二零二一年十一月二十日 (星期六)
我地又入嚟迪士尼喇~因為依個星期有購物優惠,所以今次入園的主要目的是SHOPPING。
次次MEET THE SANTA GOOFY都好多人排隊,唯有遠遠睇下。
商店放置咗好有聖誕特色的佈置,好適合影相,我亦成功買咗靚靚貝兒手袋。完成目標就開始去玩LU~
好好彩咁係城堡前面見到CINDERELLA
我地先去玩轉轉杯
發現好靚的雀仔,周圍咁熱鬧都唔飛走,好鎮定喎~
睇啱時間,我地去城堡前面等睇《迪士尼米奇與好友聖誕舞會》,我對於依張同城堡的自拍照非常滿意。
好熱鬧的表演,可惜因為音響問題睇到一半腰斬咗~
於是我地去玩小小世界
經過見到有個街頭公主氣球SHOW,已經去到尾聲,所以唔太知做乜,不過個氣球貝兒真係好靚。
又去玩小飛象
本來去排隊玩轉轉馬,突然發現可以同米高影相,而且唔多人排隊,即刻過嚟影咗先~不過恆仔話無咗結他的米高無晒魅力喎~
返去排隊玩轉轉馬
臨走又遇上《迪士尼米奇與好友聖誕舞會》,睇埋個下集大結局。
臨走我地買咗爆谷同埋DONUT食,爆谷一定係揀焦糖味;至於個DONALD同DAISY DONUT,真係又靚又好味架~